До утре попладне времето ќе се задржи стабилно и суво, а утрински температури ќе бидат пониски. Влажен и студен бран со врнежи од снег ќе се прошири од запад утре од крајот на денот и во текот на ноќта. Заради ниските температури ќе има појава на голомразица. Во петок преку денот врнежите ќе завршуваат.
Пообилни врнежи ќе има во западните делови, каде насекаде ќе се формира снежна покривка, а на планините таа ќе се зголеми. Помала снежна покривка ќе се формира и во останатите делови, освен во долниот дел на Повардарието.
