Градоначалничката на Град Скопје, Данела Арсовска во емисијата „Топ тема“ на Телма кажа дека Градот немал ингеренции за обезбедување со топлинска енергија, што е сосема погрешно, бидејќи Законот за енергетика сите интегернции ги става токму на единиците на локалната самоуправа.
Согласно Член 151 од Законот за енергетика – заради сигурно, безбедно, непрекинато и квалитетно снабдување со топлинска енергија на потрошувачите на своите подрачја, единиците на локална самоуправа овозможуваат услови за извршување на следниве енергетски дејности: 1) производство на топлинска енергија; 2) дистрибуција на топлинска енергија и 3) снабдување со топлинска енергија.
Очигледно градоначалничката не ги знае ингеренциите на институцијата со која менаџира, иако за време на кампањата се обидуваше да се претстави како успешна менаџерка која знае како со Град Скопје.
Во дебатата, министерот за економија Крешник Бектеши ја повика градоначалничката и Градот Скопје да им помогнат на граѓаните со справување со притисокот од поскапувањето на парното греење, сугерирајќи дека за кризата се знаеше уште од пред кандидатурите за локалните избори.
Во Буџетот за 2022 година на Град Скопје, градоначалничката Арсовска и Советот не предвидоа ниту денар за енергетска ефикасност и справување со енергетската криза.
