Ватсап на својот твитер-профил најави нови промени. Наскоро ќе додадат нова функција која им нуди на корисниците можност да ја слушнат гласовната порака пред да ја испратат.
„Не се грешки, тоа е само проба. Сега можете да ги преслушате вашите гласовни пораки пред да притиснете ‘испрати’,“ објави WhatsApp на Твитер.
Оваа функција им овозможува на корисниците да избришат гласовна порака што ја снимиле доколку нешто не им се допаѓа на неа, како што е испрекинат говор, бучава во позадина или нешто што тие го кажале, но сепак не сакаат да го испратат.
Опцијата ќе биде достапна наскоро.
