За бесплатен градски превоз ќе почекаме. Денеска Градоначалничката на Скопје, Данела Арсовска промовираше нов проект – Нивелирање на шахтите.
На настанот не се сечеа ленти, како во времето на Коце кога беа пуштани во употреба канти за ѓубре. На овој настан не присуствуваше Христијан Мицкоски, кој редовно се појавува на претставувањето на проекти на своите градоначалници.
– Започнавме со нивелирање на шахтите во Скопје кои се подигнати повеќе од нормалното или пропаднати под нивото. Денеска бев на проверка на работите на улицата Митрополит Теодосиј Гологанов каде се поставуваат самонивелирачки шахти.
Ова беше еден од поголемите проблеми за кој граѓаните се жалат, а неговото решавање е дел од програмата на Град Скопје за првите 82 дена од мојот мандат, напиша Данела Арсовска.
