Денес времето ќе биде променливо облачно со локални врнежи од дожд, кои на истокот на места краткотрајно ќе бидат поројни и проследени со грмежи. Во сабота преку целиот ден ќе има нови пообилни врнежи и на повеќе места ќе наврнат над 25 л/м2 воден талог.
Во западните делови на планините и на повисоките места врнежите ќе бидат од снег и ќе се формира позначителна снежна покривка.
Во недела ќе провејува слаб снег, а од понеделник следува период на умерено до значително облачно и студено време, со умерен до засилен северен ветер.
