Во гостување на Телевизија Сител, кандидатот за претседател на СДСМ, Димитар Ковачевски се осврна на актуелните состојби во партијата потенцирајќи дека тој е целосно против внатрепартиските поделби и има за цел да ја обедини партијата. Тој истакна дека СДСМ има демократски капацитет за во одредени моменти има спротиставени мислења помеѓу членовите и тоа е добро бидејќи преку дебата се доаѓа и до подобри решенија и политики за граѓаните.
„Јас секогаш сум бил приврзаник дека за сите спротиставени мислења треба да се седне и да се разговара. Од таквите различни мислења да се извади нов квалитет или решение кои може да ја унапреди работата на партија и институциите. Доколку јас бидам избран за претседател на партијата, секогаш ќе бидам отворен за разговор со сите оние кои имаат различно мислење и сметаат дека може да придонесат бидејќи само преку дебата може да донесеме подобри одлуки и решенија“ – рече Ковачевски.
