Министерството за внатрешни работи во текот на вчерашниот ден (13.11.2021) продолжи со засилените акциски контроли во областа на сообраќајот.
На територијата на град Скопје изречени се вкупно 136 мерки, меѓу кои за возење повеќе од дозволената брзина 56 санкции, 22 мерки за возење под дејство на алкохол, 13 санкции за возење без возачка дозвола, четири за нерегистрирани возила.
Засилените акциски сообраќајни контроли продолжуваат. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.
