-Верувам дека пратениците ќе го препознаат, особено оние што со нас биле во коалиција, демократскиот пат, истакна претседателот на Централниот одбор на СДСМ, Перо Костадинов, во гостувањето во „Утрински брифинг“, додавајќи дека во спротивно на долг рок ќе си наштетат лично себе, но и на државата.
-Имате неконзистентност од другата страна, беа патриоти до првата плата, а сега велат дека има нова реалност. Треба да бидеме искрени кон електоратот, рече Костадинов.
Тој потсети дека беа одржани локални избори, а за жал, како што вели, кај нас сите избори се на „живот или смрт“.
-Државата верувам дека нема да го напушти демократскиот пат и да западне во ретрогадни процеси, кажа Костадинов.
