Опозицијата а и дел од јавноста постојано упатуваат бројни критики за економската состојба во земјава. На власта и се забележува за животниот стандард и сиромаштијата, вработувањето, мерките за справување со пандемијата, се тврди дека нема странски инвестиции, дека домашните капитални инвестиции не се реализираат.
Од друга страна, институциите и статистичките бројки тврдат нешто друго, дека по ударот од пандемијата економијата расте, дека антикризните мерки успеале да ја ублажат кризата, дека невработеноста е на најниско ниво во историјата со 15.9%, дека растат и странските инвестиции, а и дека се реализирале бројни капитални инвестиции во инфраструктурата.
Што од ова е вистина? Каква е економската состојба во земјата, имаме ли шанси за поголема социјална правда, какви се перспективите за иднината? Ќе се обидеме да дојдеме до одговорите заедно со Димитар Ковачевски, заменик-министер за финансии, кој е наш гостин во Цивил Прес студио.
