Приведен скопјанец баран со две потерници

Денеска, во 10.10 часот, на улицата Петре Георгиев во Скопје, полициски службеници од Оперативен тим – Потраги го лишиле од слобода Б. С. (32) од Скопје, кого го барале со две потерници од Основен Суд – Скопје 1 за издржување вкупна казна затвор од две години и 10 месеци за сторени кривични дела по член 236 од Кривичниот законик.

Лицето ќе ѝ биде предадено на казнено-поправна установа, соопштија надлежните.