Градоначалникот на Кочани, Николчо Илијев, вечерва и додели плакета во знак на благодарност на министерката за образование и наука, Мила Царовска, за поддршка во реализацијата на значајни проекти од интерес на граѓаните. Плакетата којашто е највисоко општинско признание и’ беше врачена на Царовска по повод одбележувањето на 77 години на градот Кочани, на Свечена седница на Советот на општината која се одржа на Споменикот на слободата.
„Чест и задоволство е да се служи на граѓаните и да се работи исклучително во нивен интерес. Изминатиот период ова го покажавме преку значајни реформски процеси со кои го унапредуваме нашето општество. Дел од овие процеси се социјалната и реформата во детската заштита која ја спроведов како министерка за труд и социјална политика во претходниот мандат, но и реформата којашто сега успешно ја стартувавме во Министерството за образование и наука, со која обезбедуваме квалитетно и современо образование за секое дете“, рече министерката Царовска.
Министерката истакна дека општина Кочани е само една од низата општини во кои МОН посветено инвестира во подобрување на условите во училиштата, но и обезбедување на еднаков пристап на квалитетно образование.
ПОПУЛАРНО НА ИНТЕРНЕТ...
