Centar.mk – Вести, бизнис, забава, спорт…
Македонија

40-годишен маж од Прилеп извршил полов напад врз 13-годишно девојче од Градско

Основното јавно обвинителство Велес поднесе Обвинителен акт против 40-годишно лице од Прилеп за кривично дело – Полов напад врз дете кое не наполнило 14 години казниво по Кривичниот законик.

Обвинетиот, на 20.10.2020 година во Градско извршил полови дејствија врз оштетеното девојче на возраст од 13 години.

Имено, детето отишло во куќата на својот чичко каде се одржувала забава на која бил присутен и обвинетиот. Тој видел дека девојчето се упатило кон дома и незабележано тргнал по него. Кога стигнале во близина на оградата која ги раздвојувала куќите на родителите на оштетеното дете и на нејзиниот чичко, обвинетиот од зад грб со една рака и ја затворил устата и почнал да ја влече. Потоа ја свртел кон себе и додека со едната рака и ја држел устата затворена, со другата рака ја допирал по телото. Потоа и ја ослободил устата, обидувајќи се да ја бакне, но оштетената тоа не му го дозволила и се обидела да повика помош. Туркајќи го, оштетената успеала да земе дрвен стап и го удрила обвинетиот по ногата. Тој паднал на земја и таа побегнала во својот дом.

Јавниот обвинител оцени дека се уште постои опасност обвинетиот да се даде во бегство, па до судот достави предлог за продолжување на претходно определената мерка притвор.​​

Можеби ќе ве интересира

Јелоустоун: Девојче скокнало во извор со вода од 90 степени Целзиусови за да го спаси кучето, сега е во сериозна состојба

M T

Тешко повредено малолетно девојче во Скопје, откако во неа удрил автомобил

M T

Осумгодишно девојче кое лани исчезна во Германија, пронајдено во Хрватска

M T