Денеска (13.08.2021) во 07.00 часот во Прилеп, полициски службеници од ОВР Прилеп, врз основа на судска наредба, ги привеле С.Ј.(47) и Ќ.Ш.(50), двајцата од Прилеп за издржување казна затвор.
С.Ј. е осуден на затворска казна од две години за сторено кривично дело по член 236 од Кривичниот законик, за тешка кражба. Тој бил спроведен во Казнено-поправната установа Прилеп. Додека, Ќ.Ш. е приведен за издржување затворска казна од една година за сторено кривично дело по член 238 од Кривичниот законик за извршена разбојничка кражба. Тој бил спроведен во Казнено- поправната установа Битола.
