Излета возило на патот Штип-Радовиш – Четворица повредени, меѓу кои и две деца

На 04.08.2021 околу 15.40 часот во СВР Штип било пријавено дека на експресниот пат Штип – Радовиш, Д.П.(41) од Босна и Херцеговина, управувајќи патничко возило „фолксваген”, со швајцарска национална ознака, изгубила контрола и излетала од патот.

Во незгодата со тешки телесни повреди се здобил сопатникот М.П.(42) од Штип, додека Д.П. и двајца малолетни сопатници од Штип се здобиле со телесни повреди, констатирани во Клиничка болница Штип. Увид на местото извршила екипа од СВР Штип.