12.8 C
Скопје
28. март 2024
Centar.mk – Вести, бизнис, забава, спорт…
МАКЕДОНИЈА

Царовска: создаваме општество во кое различностите во јазикот и културата ќе се гледаат како предност

Образовниот систем е местото каде се создаваат граѓани со вистински вредности кои знаат да ги почитуваат различностите, да бидат толерантни живеејќи во мултиетничка средина во која на бројните застапени јазици и култури ќе се гледа како предност. Затоа и пристапивме кон темелни реформи кои започнуваат во основното образование со почетокот на следната учебна година. Ова го истакна министерката за образование и наука Мила Царовска за време на денешното доделување на сертификати за преведувачи и лектори по завршена неколку месечна обука која ја организираше Агенцијата за примена на јазикот што го зборуваат најмалку 20% од граѓаните во Република Северна Македонија.

„Целта на промените, на новата Концепција за основно образование е системот да го усогласиме со новото време и состојби, а генерациите кои ќе излегуваат од училишните клупи освен клучните знаења и компетенции, да имаат и развиено чувство на еднаквост, почит кон различните од нив, чувство дека припаѓаат тука и дека во средината во која живеат не постои никаква, а најмалку јазична бариера за да остварат нешто што им следува согласно законите“, рече Царовска.

Министерката им честиташе на учесниците на обуката за надградените знаења и вештини, истакнувајќи дека вложувањето во стручен кадар кој работи на превод во институциите на системот значи подигнување на транспарентноста, но и обезбедување на еднаков пристап во остварување на правата на граѓаните од различните етнички заедници и спречување на дискриминација при нивното услужување.

„На сите учесници на обуките за преведувачи и лектори, им честитам на стекнатите компетенции кои се потврдени со сертификатите што денес ги добиваат. Овој чин е потврда на вашата стручност и компетентност да работите на позиции во институциите на системот кои и тоа како се значајни за подигнување на транспарентноста и рамноправниот пристап кон граѓаните. Верувам и дека несебично ќе го споделувате своето знаење со останатите колеги и со нови генерации на преведувачи и лектори кој ќе го најдат своето место во овој сегмент на работа“, додаде Царовска.

Спонзорирано:

Можеби ќе ве интересира

Од мали промени во животните навики до зелена трансформација во општеството – „Еко – свест“ и мрежата CEE Bankwatch со студии за поголема свесност околу зачувување на животната средина

M T

Грковска: Дигитализацијата е високо на агендата на Владата зашто е клучен процес за подобрување на јавните услуги и за развој на демократијата во едно општество

M T

Јетон Шаќири е новиот министер за образование и наука

M T

Царовска: Со опремување на 260 кабинети по природни науки и нови наставни програми кај учениците ја развиваме љубовта кон природата и свесноста за важноста на животната средина

M T

Царовска: Вложувањата во науката треба да се темелат на приоритети, со Стратегијата за паметна специјализација се овозможува реална економска визија

M T

Царовска: Со поддршка од ЕУ градиме нов интегриран систем на податоци за основно, средно и високо образование, алатка која ќе го олесни одлучувањето и ќе ја забрза дигитализацијата

M T