8.8 C
Скопје
23. септември 2021
Centar.mk – Вести, бизнис, забава, спорт…
Македонија

Нашиот одговорен пристап ја трансформираше полицијата во заштитник на граѓаните, велат од СДСМ

Инвестициите во МВР резултираат со значителен пад на криминалот и корупцијата и поголема мотивираност на полицијата, велат од владејачкиот Социјалдемократски сојуз утрово преку соопштение.

Оттука наведуваат дека нивниот одговорен и транспарентен пристап ја трансформирал полицијата во вистински заштитник на граѓаните.

„Во континуитет инвестираме во подобрување на условите за работа, што придонесува денес да имаме високо мотивирана полиција која ефикасно и неселективно се справува со секој вид на криминал. За овие четири години реконструирани се 58 објекти на Министерството за внатрешни работи, а изградени и во фаза на градба се неколку објекти за потребите на МВР. Континуирано се вложува и во набавка на нова опрема. Само во овој период набавени се 8.000 чевли, нови униформи за единицата за брзо распоредување и интервентната полиција, набавени се 40 нови дрегери, како и нови радарски системи“, велат од СДСМ.

Додаваат дека сите овие инвестиции придонесуваат за поефикасна работа на полицијата и намалување на стапката на криминалот.

Во првото полугодие од оваа година забележан е пад на криминалот за 10,8 отсто споредено со истиот период лани.

Овој ефикасен пристап, додава СДСМ, резултира со постојан раст на довербата на граѓаните кон полицијата која денес е вистински чувар на законите и правниот поредок.

Можеби ќе ве интересира

Полицијата првпат на локалните избори ќе го озбезбедува транспортот на доверливиот избирачки материјал

M T

Спасовски: Со објектите во Ранковце и Старо Нагоричане досега реконструирани 58 објекти – создаваме подобри услови за вработените за подобра полиција за граѓаните

M T

Полицијата во Загреб претепа слеп човек, заменувајќи го со друг маж

M T