Пет лица се здобиле со повреди во сообраќајна несреќа која се случила вчера во 17:20 часот на магистралниот пат Струга – Граничен премин „Ќафасан“.
Како што информира МВР, во сообраќајната несреќа учествувале патничко возило „шкода јети“, сопственост на МВР, патничко возило „бмв“, со швајцарска национална ознака, управувано од Р.Н.(38) од село Градец, гостиварско и патничко возило „мерцедес“, со охридски регистарски ознаки, управувано од Г.М.(25) од Охрид. Во незгодата, двајца полициски службеници, возачот на возилото „бмв“ и двајца сопатници од неговото возило се здобиле со повреди, констатирани во Медицинскиот центар Струга и болницата „Св.Еразмо“ во Охрид. Увид на местото извршила екипа од СВР Охрид.
Спонзорирано:
