Премиерот Зоран Заев при посетата на Атина одржа средба со Дејвид Харис, извршен директор на Американскиот еврејски комитет.
Како што информираат од владината прес-служба, главниот акцент на разговорите бил ставен на најактуелното прашање за ЕУ-перспективата на нашата земја.
„Еврејската заедница во нашата земја иако е мала, таа е многу активна и придонесува во градење на демократското општество со свои претставници во националните институции“, посочил Заев на средбата.
Извршниот директор на Американскиот еврејски комитет, Харис истакнал дека премиерот Заев и Северна Македонија имаат голема поддршка за евроинтегративните процеси на земјата.
На средбата се дискутирало и за енергетските проекти и договорите кои се потпишуваат со Грција после Договорот од Преспа, а имаат цел економско поврзување и напредок на Северна Македонија.
НАЈЧИТАНО НА ИНТЕРНЕТ...
