СДСМ мора да биде со граѓаните, секогаш и секаде, секој еден е важен и на тој принцип се како власт се обврзавме кога ја презедовме власта, рече на потпретседателот на СДСМ и министер за внатрешни работи, Оливер Спасовски на трибината „Најдоброто за нашата општина“ во Делчево.
-Без разлика каде живее град или село, мора да созадаме услови за еднакви услови за живот секогаш и секаде. СДСМ разговара и дава отчет во периодот додека е власт и што да се прави во иднина. Затоа мораме да разовараме со граѓаните и да ги слушаме нивните зборови, потенцираше тој.
Спасовски појасни дека СДСМ реализирала две важни суштински работи кои се во интерес на граѓаните.
-Го рализиравме она што е најсуштинско за државата создадовме едно општество за сите, овој концепт не се однесува која на која вера и нација припаѓа, туку зборуваме за подеднаков пристап на сите граѓани до институциите и оние кои живеат на село и оние во град, и оние кои имаат високо обраозванире и оние кои немаат доволно образование, и лицата со посебни потреби, уметници, спортисти, научници итн. Тоа сега е концепт на живеење, рече тој.
Според Спасовски вториот значаен дел е реализација на суштинска стратешка цел, Македонија да биде самостоја, суверена и независна држава и да биде членка на НАТО но и на ЕУ.
-Ние сме современици и го живееме сонот на нашите претци, ние сме членка на НАТО, влеговме со македонски идентитет и македонски јазик, сега сме мотивирани како никогаш повеќе и покрај ударите, но и во ЕУ ќе влеземе како Македонци и од тоа нема отстапување, рече тој.
Спасовски заклучи дека од програмата на СДСМ живот за Македонија речиси сите планови се реализирани.
