Еден од најголемите проблем за граѓаните во една земја е секогаш патната инфраструктура, но ние како локална самоуправа овие проблеми ги решаваме со зголемувањето на капиталните инвестиции во овој дел, рече на граѓанската трибина на СДСМ „Најдоброто за нашата општина“ градоначалникот на Кочани, Николчо Илијев.
-Тоа овозможува намалување или спречување на миграцијата и развој на земјоделството. Од 2018 година Буџетот на Општина Кочани е во постојан раст . Во 2020 година имавме највисока реализација од 222 милиони денари. За 2021 година имаме апсолутно највисок планиран буџет. Вкупниот буџет е 337 милиони денари, од кои за капитални инвестиции се 220 милиони – доказ како се сака и како се работи за Кочани, рече Илијев.
Тој појасни дека во изминатите години се создадени добри инфраструктурни врски на населените места со административниот центар на градот, изградени се 3,5 локален пат од Кочани до Мојанци, обновени се тротоари, поставено е осветлување на селата Горни Подлог, Долни Подлог и Мојанци.
-Изработивме Стратегија за одржлив развој на Кочани, со определени правци за развој на општината. Главна цел ни се капиталните проекти и подобрувањето на квалитетот на живот на нашите граѓани. Во Центарот на нашите проекти се децата, само во минатата година изградиме шест нови детски игралишта и ги реконструиравме останатите.
Еден од тие проекти е изградба на системот за одвојување на отпадните води и асфалтирање улици во населените места. Потоа асфалтирање на пристапни патишта до познати туристички локалитети, сето ова значи и редовно чистење на постојните патишта и чистење канали за спречување поплави.
