Инспекторите растурија забава во кафеана во скопското село Јурумлери, каде што биле затекнати 15 гости, музичар и пејачка. Лицата биле приведени, а објектот затворен.
Според информациите на МВР, вчера, во 21.50 часот, по претходна пријава, полициски службеници во координација со Државниот пазарен инспекторат извршиле контрола во угостителски објект во село Јурумлери, Скопско, сопственост на А. Ш. (39) од истото село.
Во објектот биле затекнати 15 гости, музичар и пејачка, со што било постапено спротивно на прописите за спречување на ширењето на коронавирусот.
Објектот бил затворен, а лицата биле приведени во полициска станица за понатамошна постапка.
НАЈЧИТАНО НА ИНТЕРНЕТ...
