Министерот Оливер Спасовски се сретна со новиот програмски менаџер на ИЦИТАП, програмата при Амбасадата на САД во Скопје, Карл Рејшам.
Спасовски се осврна на соработката со програмата ИЦИТАП, која изминативе години ја поддржуваше професионализацијата на полицијата преку проектите и техничката помош наменета за Министерството за внатрешни работи на Република Северна Македонија. Тој се заблагодари на богатата, искрена и пријателска соработка нагласувајќи дека Министерството за внатрешни работи е насочено кон трајна соработка со програмата ИЦИТАП.
Програмскиот менаџер на ИЦИТАП, Карл Рејшам, изразувајќи благодарност за остварената средба и за конструктивниот разговор, истакна дека за време на неговиот мандат на оваа позиција ќе се заложи за продолжување, продлабочување и за интензивирање на соработката во рамките на програмата со Министерството за внатрешни работи.
ПОПУЛАРНО НА ИНТЕРНЕТ...
