Полицијата во Кичево поднесе кривична пријава против Р.Џ.(50) од Охрид, вработен во шпедиција, поради постоење основи на сомнение за сторени кривични дела фалсификување на исправа и употреба на исправа со невистинита содржина и против М.М.(44) од Охрид, поради постоење основи на сомнение за сторени кривични дела злоупотреба на службена положба и овластување и употреба на исправа со невистинита содржина.
Според информации од полицијата, лицето Р.Џ. изработило две различни царински декларации за исто патничко возило и ги употребило во постапка за идентификација во Бирото за метрологија – Скопје.
По извршениот технички преглед од страна на ЦВО Охрид, каде потписник е М.М., во ОУР Кичево била издадена сообраќајна дозвола за возилото.
