Американскиот производител на електрични автомобили „Тесла“ објави дека новата фабрика во близина на Берлин ќе вработи 12 илјади работници кога ќе работи со полн капацитет.
„Во теоретската идна завршна фаза на проширување, која засега е хипотетичка, фабриката може да вработи до 40 илјади работници со максимален капацитет“, се наведува во соопштението на американската компанија.
Производството во фабриката треба да започне во јули и ќе произведува 500.000 возила годишно.
Извршниот директор на „Тесла“, Илон Маск, има намера да ја изгради најголемата фабрика за батерии во светот на таа локација, со што дополнително ќе се зголеми износот на инвестиции, што според гласините во индустриските кругови достигнува една милијарда евра.
