24 лица ја прекршиле забраната за движење, 548 лица немале маски

24 лица го прекршиле полицискиот час во периодот од 20:00 часот на 21.4.2021 до 5:00 часот на 22.4.2021, информира Министерството за внатрешни работи.

Во текот на изминатото деноноќие на територијата на цела држава, за мерката за носење лична заштита на лице, регистрирани биле 548 прекршоци.

Министерството за внатрешни работи апелира до граѓаните да ги почитуваат мерките и протоколите донесени од Владата во борбата против коронавирусот.