Просечната месечна исплатена нето-плата по вработен, во февруари 2021 година, изнесува 27.948 денари.
Според податоците на Државниот завод за статистика, таа е повисока за 2,7 отсто во споредба со истиот месец минатата година.
Ваквото зголемување се должи, пред сè на зголемувањето на просечната месечна исплатена нето-плата по вработен во секторите: Информации и комуникации (10.1 %), Други услужни дејности (8.2 %) и Рударство и вадење на камен (7.5 %).
Намалување на просечната месечна исплатена нето-плата по вработен, во однос на претходниот месец, е забележано во секторите: Рударство и вадење на камен (9.0 %), Уметност, забава и рекреација (6.4 %) и Дејности на здравствена и социјална заштита (4.1 %).
