Само во одделот за управни работи во Скопје се евидентирани 660 двојни лични броеви, при што поништени се 580, а за 80 постапката е во тек, изјави министерот за внатрешни работи Оливер Спасовски, откако опозицискиот лидер Христијан Мицкоски денеска обвини дека 20 илјади граѓани имаат по два матични броеви.
-Постои матична евиденција за родените во Скопје, и во таква матична книга се 213 лица, а во другите матични канцеларии имаме остаток некаде околу 80 граѓани, лица кои имаат двојни матични броеви. Во Куманово целосно се поништени утврдените двојни матични броеви, додека во другите центри тие бројки се многу помали – рече Спасовски на ТВ 21.
Инаку денес Мицкоски за одредени новинари брифирал дека во Македонија имало 20.000 граѓани со двојни матични броеви, што испадна лажна вест, но да се потсетиме дека за време на режимот на луѓе од Мала Преспа насилно, со кршење на сите можни закони, им беа давани лични карти и беа носени со автобуси да гласаат во Општина Центар, за што има посебни судски процеси.
