44-годишна струмичанка се сомничи за кражба откога од жител во село Старо Коњарево одзела чанта со пари во разни валути, информира МВР.
Секторот за внатрешни работи Струмица поднел кривична пријава против З. Г. (44) од с. Старо Коњарево поради постоење основи на сомнение за сторено кривично дело кражба, известува Министерството за внатрешни работи.
На 29.3.2021 пријавената отишла во куќата на Л. А. во с. Старо Коњарево и му одзела чанта со пари во разни валути.
На 7.4.2021 полициски службеници ги пронашле парите што потекнуваат од кражбата, закопани во дворното место од куќата на З. Г., кои, по овластување на јавен обвинител, му биле вратени на оштетениот.
