Мијалков под засилен надзор во затворот во Шутка

Од минатиот петок, поранешниот директор на УБК, Сашо Мијалков го издржува 60 дневниот притвор во затворот Скопје во Шутка.

На Мијалков му е изречена првостепена пресуда за аферата „Таргет-Тврдина“ во која тој, за нелегалното прислушкување е осуден на единствена казна затвор од 12 години.

Како што пишува „Слободен печат“, поради здравствените причини тој е сам во затворската соба, но од затворот информираа дека се преземаат и засилени безбедносни мерки и дека дополнително се прават и чести контроли.

Пред да биде осуден, Мијалков го немаше скоро два дена, а по него беше распишана и меѓународна потерница.

Тој самиот се појави во Обвинителството и изјави дека бил изолиран поради симптоми на Ковид 19.