Centar.mk
МАКЕДОНИЈА

Османи во Белград уште еднаш му се заблагодари на Вучиќ за донираните вакцини

Министерот за надворешни работи Бујар Османи, работната посета на Србија, ја започна на средба со претседателот, Александар Вучиќ.

Како што информираат од ресорното министерство, на средбата биле разменети мислења за билатералните односи меѓу двете држави, соработката на регионален план, како и соочувањето со предизвиците од пандемијата.

Османи, воедно упатил благодарност за донираните вакцини за Северна Македонија од страна на српската Влада.

„Овој гест на солидарност, реализиран и со вашиот личен ангажман, нашата Влада, нашите здравствени институции, но и воопшто јавноста, високо го ценат“, истакнал Османи, посочувајќи дека двете држави имаат и многу добра соработка во справувањето со предизвиците од пандемијата, особено при рептријација на македонските државјани преку територијата на Србија.

Посетата на македонскиот МНР на Белград, продолжува со средба со неговиот колега, Никола Селаковиќ, претседателот на Народното Собрание, Ивица Дачиќ и со претседателката на Владата, Ана Брнабиќ.

Можеби ќе ве интересира

СДСМ со 161 амандман само за општините – за градинки, водоводи, локални патишта и домови за стари лица

ДЕСК

СИЛЕН ВЕТЕР НАД 70 КМ/Ч ЈА ЗАФАЌА МАКЕДОНИЈА – Денеска до 24 степени, вечерва локален дожд

ДЕСК

ЗИМСКАТА ОПРЕМА Е ЗАДОЛЖИТЕЛНА – Правилото важи и кога времето е топло

ДЕСК