ВМРО-ДПМНЕ најавува можен бројкот на локалните избори. Клучен предуслов е набавката на отчитувачи за отисоци. Од партијата велат дека ако продолжи одбивањето на Владата да ги набави овие апарати, можни се и оставки од членови на Државната изборна Комисија.
Високи партиски функционери во опозицијата алармираат дека ова е законска обврска согласно членот 108-А од Изборниот Законик изгласан на 16ти февруари лани.
За набавката се потребни најмногу 2 милиони евра велат од партијата, а опција е и да се изнајмат за да се заштедат пари. Поддршка според ВМРО-ДПМНЕ дава и коалицијата Алијанса и Алтернатива.
Дека ова е обврска предвидена со закон опозицијата ја брифирала и меѓународната заедница. Известен бил и еврокомесарот за проширување Оливер Вархеји.
„Сведоци сме за тоа дека имаше поткуп на изборите, на референдумот се гласаше на 2-3 секунди. Затоа ние бараме да се испочитува законската обврска и да се набават отчитувачите на отисоци.
Ако не сакаат да ги набават значи подготвуваат фалсификат.“ – изјави потпретседателот на ВМРО-ДПМНЕ, Владо Мисајловски во вестите на Сител
