Еден од најголемите компании во малопродажбата во светот, германскиот „Лидл“ ја регистрираше својата компанија во Македонија, а ќе биде управувана од бугарската филијала, пренесува „Фактор“.
Централниот регистар вчера објави дека германскиот трговски синџир во петокот ја регистрираше подружницата Лидл Северна Македонија Дооел со седиште во скопски Центар и со паричен влог од 500.000 евра.
„Сопственик е германската матична компанија ВЕ-Интернационал Цвајте ГмбХ од Некарзулм, но субјектот специјализиран за трговија на мало претежно со храна, пијалаци и тутун ќе биде управуван од Софија, од бизнисмените Милена Емилова Драгијска, Бисер Борисов Инчовски и Љубомир Манолов Хрсев. Според описот на нивните надлежности и ограничувања, „Лидл“ планира да вложи над 10 милиони евра во продавница и да купи земјиште поголемо од 10.000 квадратни метри“ пишува Фактор.
ПОПУЛАРНО НА ИНТЕРНЕТ...
