Државниот пазарен инспекторат затвори угостителски објект во Куманово затоа што работел по дозволеното време.
Според информациите на МВР, вчера во полиција било пријавено дека во угостителски објект на улица Ѓорче Петров во Куманово не се почитувале здравствените прописи за време на епидемија. Полициски службеници извршиле контрола и било констатирано дека објектот работи по дозволеното време, а во објектот биле затекнати девет гости, сопственикот А.Т.(43) и еден вработен.
По целосно документирање на случајот против сопственикот ќе биде поднесена соодветна пријава, а од страна на Државниот пазарен инспекторат објектот е затворен.
