„Ние сме немале попис две децении. Ние не правиме политичка операција, туку исклучиво статистичка. Ќе собереме податоци од граѓаните за планирање на социо- економскот развој на државата. Легитимно е опозицијата да има свои ставови. Но, јас како политичар, кој припаѓа на помладата генерација, сметам дека не треба во секој процес да внесуваме политика. Ние како партии се бориме за власт, но не оправдувам кога една суштинска работа, како пописот, се става на партиската агенда. Собирањето потписи од граѓаните против Законот за попис не се дел од политичкото милје, туку е исклучиво партиска агенда.“- искоментира пратеничката Славјанка Петровска, на МРТВ, зборувајќи за важноста на пописот и за негативното однесување на опозицијата.
