7.8 C
Скопје
29. март 2024
Centar.mk – Вести, бизнис, забава, спорт…
МАКЕДОНИЈАТОП ВЕСТИ

СДСМ: Пописот ќе се одржи на пролет, ВМРО-ДПМНЕ нема да ја спречи оваа статистичка операција

Пописот ќе се одржи на пролет, ВМРО-ДПМНЕ нема да ја спречи оваа статистичка операцијА, велат од СДСМ.

„По речиси две децении во државата се создадени сите нормативни услови за спроведување на попис, по сите меѓународни стандарди и по прописите на Евростат, откако мнозинството во собранието предводено од СДСМ, го изгласа законот за попис. Со пописот што ќе се одржи на пролет, со оваа најобемна статистичка операција ќе се соберат релевантни, точни податоци за географски, демографски, економски, образовни, миграциски, културолошки карактеристики како и информации за инвалидитет, односно функционална попреченост на населението“, велат од партијата.

Овие податоци, велат од СДСМ, се од непроценливо значење за креирање на многу економски политики, рамномерен регионален развој, соодветни политики во образованието, здравствената заштита, културата, односно за креирање на издржани политики и стратегии за сестран развој на државата.

„Опструкција на пописот од страна на ВМРО-ДПМНЕ не е начин да се помогне на државата, туку се одмага, како што е случај за многу работи во последните години. Губитникот Христијан Мицкоски со повикот за бојкот на пописот ги поттикнува граѓаните на кршење на законите, а токму последниот обид за попишување на населението во 2011 година пропадна поради неспособноста на ВМРО-ДПМНЕ. Деструкциите на ВМРО-ДПМНЕ повторно се поразени, им пропаднаа обидите државата да остане без важна статистичка операција, оваа пролет ќе има попис“, се наведува во соопштението.

Спонзорирано: