Викендов облачно време со врнежи од дожд, а на планините снег

Под влијание на циклонска активност и влажна воздушна маса утре и в недела ќе преовладува облачно време со врнежи од дожд, а на планините од снег, информира УХМР.

Повремено врнежите ќе бидат пообилни, на места и поројни. Ќе дува умерен, повремено засилен ветер, претежно од јужен правец.

Поради продор на постудена воздушна маса, в недела врнежи од снег ќе има и на некои повисоки места, особено во западните делови од земјата. На планините ќе се формира нова снежна покривка поради што ќе се зголеми веќе постојната.