Според информации што пристигнуваат од Штип, излезноста на вонредните избори за градоначалник на оваа општина до 14 часот изнесува над 20 отсто.
Тоа е сериозно зголемување на процентот на излезност имајќи предвид дека до 13 часот според податоците на Државната изборна комисија, своето право на глас го искористиле 16.61 отсто од граѓаните на Штип.
Според изборниот законик, за да бидат успешни изборите во првиот круг треба да излезат најмалку една третина од избирачите запишани во Избирачкиот спсисок. Имајќи го предвид нагорниот тренд на излезност, за очекување е дека до 19 часот цензусот да биде остварен, доколку вака продолжи излезноста.
