ВМРО-ДПМНЕ и Мицкоски може да зборуваат само за кафеани, теретани и блокади, за друг ем не ги бива, ем не знаат, реагира СДСМ на обвинувањата дека семејството на Заев било заразено со коронавирус, а тој не се изолирал.
„ВМРО – ДПМНЕ и Христијан „на браникот на криминалот“ Мицкоски може да зборуваат само за кафеани, теретани, прекршување мерки, блокади и опструкции на здравствениот систем. За друго ем не ги бива, ем не знаат. Граѓаните многу добро знаат дека хистеричниот Мицкоски среде пандемија затвораше кафеани, прекршуваше мерки и го загрозуваше здравјето на граѓаните. Неговата министерка во техничката Влада, свесно го блокираше заемот од Светска банка за монтажните Ковид болници. Неговиот Вело Марковски ги лажеше граѓаните дека вирусот не е опасен, дека не треба да се носат маски, и што ти уште не“, пишува во реакцијата.
Од СДСМ велат дека на сите им е јасно дека целта на ВМРО-ДПМНЕ е само да наштети.
„За тоа кој и колку треба да биде во изолација кажуваат здравствените стручни лица, а не лажговците од ВМРО-ДПМНЕ“, велат од СДСМ.
ПОПУЛАРНО НА ИНТЕРНЕТ...
