Заев на Фон дер Лаен ѝ ги презентирал македонските позиции во разговорите со Бугарија

Премиерот Зоран Заев денеска имаше телефонски разговор со претседателката на Европската комисија, Урсула фон дер Лаен.

Во разговорот, на кој присуствувале и вицепремиерот задолжен за европски прашања, Никола Димитров, и министерот за надворешни работи, Бујар Османи, премиерот изразил благодарност за пакетот за проширување и за позитивниот извештај на Европската комисија за нашата земја, со кои Брисел потврди дека Северна Македонија е подготвена за првата меѓувладина конференција за почеток на преговорите со ЕУ, информираат од владината прес-служба.

Заев ја информирал претседателката на ЕК и за тековните разговори со Бугарија и ги презентирал позициите на Северна Македонија.

Фон дер Лаен истакнала дека Брисел очекува позитивно решение како заеднички остварен резултат на сите страни за успешна интеграција на Северна Македонија во ЕУ.