Министерот за земјоделство, шумарство и водостопанство, Арјанит Хоџа, одржа состанок со шефот на Делегацијата на ЕУ, Дејвид Гир, и раководителот на секторот за операции, Штефен Худолин.
ЕУ-амбасадорот го истакна своето задоволство за успешната соработка во делот на земјоделството и руралниот развој, како и целосна поддршка на ЕУ во процесот на евроинтегративните процеси.
ЕУ дава финансиска поддршка преку ИПА-фондовите во различни области од земјоделството и руралниот развој, во јакнење на административните капацитет, како и во изработка на различни системи.
Исто така, шефот на Делегацијата го истакна своето задоволство за направениот напредок за реализација на ИПАРД-програмата и искористување на сите средства од ИПАРД 2-програмата.
Министерот Хоџа се заложи за преземање стратешки одлуки за спроведување на реформите согласно барањата на заедничката земјоделска политика на ЕУ и целосна посветеност во координативните процеси при отпочнување на преговорите за поглавјата 11,12 и 13.
