Македонија со Заев и Филипче оди кон ломбардиско сценарио, предупредуваат од ВМРО-ДПМНЕ во однос на ширењето на коронавирусот.
„Сите им се виновни што не знаат да се справат со епидемијата, освен самите тие. За еден месец во Македонија има над 11 илјади нови случаи на заболени и речиси 250 починати. Со вакви бројки Македонија е редовно на врвот на црната статистика, а здравствените власти не чувствуваат одговорност“, се наведува во партиското соопштение, во кое се додава дека епидемијата мора да почне да се контролира и здравствениот систем да се менаџира.
