Секогаш во средиштето на збиднувањата...

Љубе Бошкоски го предизвикува Мицкоски на ТВ дебата

Слушам декa криејќи се зад други луѓе Христијан Мицкоски деновиве ме прозвал на прес, вели Љубе Бошкоски од Обединети за Македонија, кој го предизвика лидерот на ВМРО-ДПМНЕ на ТВ дебата, за како што вели да се расветлат работите.

„Твоето дејствување се разликува од моето, се сеќаваш на бесрамното и невистинито тврдење дека си бил само про-боно советник на Груевски, во време кога тој со над 90 советници трошеше 1,73 милиони евра народни пари“, вели Бошкоски и додава дека на обвинувањата одговара подоца бидејќи деновиве бил зафатен со состаноци со потенцијални бизнис инвеститори од Загреб и Грац.

„Сето ова го правам на сопствен трошок, бидејќи платата е недоволна за едно патување во странство, но тоа секако не ме спречува да работам за доброто на татковината, без да побарам ниту денар дополнителни трошоци“, истакнува Бошкоски и потсетува дека уште пред речиси една година го повикал лидерот на ВМРО-ДПМНЕ нa ТВ дебата пред целaтa мaкедoнскa јавност.

„Охрабри се Мицкоски – излези нa дебaтa сo Љубе Бошкоски! Можеби ќе останат изненадени членовите на ДПМНЕ зад кои сега се криеш“, порачува лидерот на Обединети за Македонија.

Маркетинг