Премиерот Оливер Спасовски денеска имаше средба со Драган Јордановски, иден амбасадор на нашата земја во Естонија.
„На средбата беше истакнато дека функционирањето на нашите амбасади во земјите членки на ЕУ во полн капацитет е од исклучително значење во претстојниот период на подготовки на првата меѓувладина конференција за почеток на преговорите на нашата земја со ЕУ“, соопштија од Владата.
Од аспект на билатералната соработка со Естонија, на средбата било кажано дека особено е важно да се обезбеди континуитет на добрата соработка меѓу двете земји, особено во делот на нашето сојузништво во НАТО и искористување на потенцијалот за збогатување на меѓусебните комуникации во одредени сфери, пред сѐ во делот на образованието и дигиталната технологија.
