Околу барањето за оставка на лидерот на ВМРО-ДПМНЕ,Христијан Мицкоски, Емилија Александрова, пратеничка од независната пратеничка група на ВМРО-ДПМНЕ за Утрински брифинг на Слободен печат вели дека независната пратеничка група и претходно побарала оставка од Мицкоски бидејќи побарал ратификација на договорот за членство во НАТО под името Северна Македонија, со што го прифати новото име на државата, а за што беа избркани од партијата, што говори за несериозноста на лидерството.
-Вчерашното барање е врз основа на резултатите. ВМРО-ДПМНЕ како никога досега има најмал број на гласови. 150.000 глас од претходните избори. На локалните избори изгубивме и после четири изборни процеси на кои партијата е губитник, најдостоинствено и најдобронамерно што може да направи Мицкоски е да си поднесе оставка. Партијата бара да се реформира, да се смени статутот и да се избере ново раководство. Мицкоски нема потреба да ја држи партијата во заложништво и време е за промени, смета Александрова.
