„Бараме поддршка за 65.000 деца кои ќе примаат детски додаток, за 70.000 деца кои ќе примаат образовен додаток, за 34.000 најзагрозени социјални семејства кои што ќе бидат згрижени и покриени со социјална помош и веднаш ќе им се бара работа во македонските компании. Бараме поддршка за сериозна реформа во правосудството и за целосно прочистување на македонското правосудство.“, порача лидерот на СДСМ, Зоран Заев.
„Бараме поддршка за нови 60.000 работни места само во првите 3 години од нашиот мандат.“, вели Заев.
-„Бараме поддршка за 200м субвенции и рурален развој, за 100% зелена нафта за земјоделството, за 10% секоја година покачување на платите во здравството за да ни останат сите лекари и медицински сестри овде во државата. Бараме Битола, Македонијо, за младите луѓе за да имаат 3000 денари младински додаток и да им го враќаме персоналниот данок од нивните плати на нивната лична сметка. Бараме Битола поддршка за младите и жените менаџери на компании кои што ќе бидат ослобдени до 3000 милиони денари неплаќање никакви даноци и давачки на државата…“, рече Заев
