Генералниот секретар на ВМРО-ДПМНЕ и носител на листа во изборната единица три, Игор Јанушев, денеска преку видео обраќање упати порака до граѓаните порачувајќи дека потребно е на 15 јули да се обединат и да ја донесат, како што рече, Обновата на Македонија.
Тој вети инфраструктурни проекти, покачување на платите, отворање на нови работни места, покачување на пензиите на пензионерите, намалување на данокот на 8 проценти, но и како што кажа, конечно вреднување на маката и трудот на земјоделците.
„Во делот на земјоделците ќе ги зголемиме субвенциите за земјоделците на 640 милиони евра во четиригодишниот мандат или тоа се 160 милиони евра годишно. Во делот на сточарството се обврзуваме да ја зголемиме поддршката на основната мерка за 50%, односно од сегашните 1000 денари по грло ќе се исплаќа по 1500 денари по грло“, нагласи Јанушев.
НАЈЧИТАНО НА ИНТЕРНЕТ...
