Македонија мора да тргне напред. Македонија мора да биде држава со еднакви услови за сите. ВМРО-ДПМНЕ е насочено кон обезбедување целосна инклузивност на лицата со попреченост и обезбедување еднакви права и можности. Во таа насока предвидуваме систематизирање и адаптација на работни места кои ќе бидат наменети за вработување на лица со инвалидност, соопшти партијата.
Дополнително во насока на деполитизација на администрацијата и заради обезбедување транспарентност во постапките по жалбите во втор степен за права од работен однос, како и при полугодишното и годишното оценување, ВМРО-ДПМНЕ соопшти дека ќе предвиди законски измени со кои ќе се обезбеди вклучување синдикални претставници во сите наведени постапки.
„ВМРО-ДПМНЕ се обврзува на усогласување на платата на судската администрација, администрацијата во здравствените установи и воспитните установи со платата на административните службеници.Како главна реформа ќе предвидиме скратување и рационализација на административните процедури низ кои секојдневно поминуваат граѓаните и правните лица. Овој проект има за цел да го скрати времето на чекање на граѓаните, метежот пред шалтерите во институциите и да го поттикне и олесни бизнисот. Имаме обврска кон граѓаните. ВМРО-ДПМНЕ се обврзува да изврши обнова на Македонија. Зоран Заев изминативе години докажа само дека може повеќе да краде, да рекетира и да се богати. Мора да ставиме крај на овој грабеж. Исправи се Македонијо! Одбери обнова“, се вели во соопштението.
