Centar.mk – Вести, бизнис, забава, спорт…
БИЗНИС

Ново поскапување на горивата за половина денар по литар

Цената на горивата од ноќеска на полноќ се зголемува за половина денар по литар, одлучи Регулаторната комисија за енергетика. Со одлуката се врши зголемување на малопродажните цени на нафтените деривати во просек за 1,05 отсто.

Новата малопродажна цена на еуросупер БС-95 изнесува 61 денар, еуросупер БС-98 ќе се продава за 63, еуродизел (ДЕ V) за 52,5, а екстра лесното масло за домаќинство (ЕЛ-1) за 52 денара за литар.

Со одлуката на РКЕ за 0,428 денари за килограм се зголемува и малопродажната цена на мазутот М-1 НС и ќе изнесува 25,824 денари за килограм.

Како причина за зголемување на малопродажните цени на нафтените деривати од РКЕ ги посочуваат зголемувањето на референтните цени на бензинот во просек за околу 2,574 отсто и за околу 1,568 отсто кај дизелот во последните седум дена, како и за 0,175 отсто повисокиот курс на доларот во однос на денарот.

Можеби ќе ве интересира

Курсна листа за 21 октомври 2025 – Колку чини доларот, а колку еврото?

ДЕСК

УБАВА ВЕСТ ЗА СКЕНИРАЧИТЕ НА ФИСКАЛНИ: Познато е кога треба да легнат парите од МОЈ ДДВ

ДЕСК

Голема хуманитарна прослава за вториот роденден на Diamond Mall

ДЕСК