Како што објави Centar.mk попладнево, Владата воопшто не стави на маса точка за продолжување на вонредната состојба, откако Христијан Мицкоски бегајќи од избори, се обиде да тактизира и порача дека утре ќе го кажел својот став за евентуално оддржување на изборите на 8-ми јули.
Со ова точно на полноќ, почнуваат да течат изборните рокови за избори на 5-ти јули, а во вторник ќе започне и кампањата.
Подготвени се и државните институции во пресрет на изборите, а кампањата веќе наголемо ја тераат сите политички партии, па дури и ВМРО ДПМНЕ која по секоја цена се обидуваше да ги избегне изборите.
Предвремените парламентарни избори се оддржуваат по заеднички договор меѓу ВМРО ДПМНЕ, СДСМ, ДУИ и другите политички партии постигнат минатата година на лидерска средба кај претседателот. Првично истите требаше да се оддржат на 12-ти април, но поради ненадејната корона криза, партиите се договорија истите да бидат оддржани по завршување на вонредната состојба, што е 5-ти јули.
Дека изборите треба да се оддржат согласно Уставот и Законите, децидни се и меѓународните претставници во земјава на ЕУ и Соединетите држави.
ПОПУЛАРНО НА ИНТЕРНЕТ...
