Секогаш во средиштето на збиднувањата...

Кондарко: ДИК може да спроведе избори 22 дена по вонредната состојба

Членот на Државната изборна комисија Борис Кондарко беше гости во „10 МИНУТИ“ на ТВ21.

Тој рече дека не постои проблем ДИК да спроведе избори 22 дена после завршувањето на вонредната состојба, најавувајќи дека на 21. јуни може да има парламентарни избори.

„Нема никаква дилема, се она што се бара согласно изборниот законик, ние сме подготвени да го спроведеме. Не смее да биде за нас никаков проблем. Но, ние во ДИК не можеме да навлегуваме во дневна политика и да се мешаме во преговори на политички партии, или колку ќе трае вонредна состојба. Тоа не можеме, а можеме да ги запазиме сите законски рокови“, вели Кондарко.